D'So vun der schéiner
|
Viru
villen honnert Joer huet ob engem Schlass zu Käerech en edle Ritter
gelieft, de Grof Siegfrid. Enges Daags wéi en
op der Juegd war, huet hie sech veriert, an ass géint der Owend an en
déift, engt, wëllverwuessent Dall komm. Et war dat d’Dall vun der
Uelzecht, do wou haut d‘Stad Lëtzebuerg ass. Wéi e bei de Bockfiels
komm ass, huet en op eemol Téin vun engem
wonnerschéine Gesang héieren. Nodeems de Grof eng Zäitchen
nogelauschtert hat, ass e bei déi Plaz, wo déi Téin hierkoumen geridden
a geschwënn huet en uewen op de Ruine vun der Buerg eng Jongfra sëtze
gesinn, bei där hierer Schéinheet hien wi gefesselt stoe bliwwen ass. Et
war d’Melusina,
d'Nix vun der Uelzecht. Wéi hatt de Ritter gesinn huet, ass et vun engem
grénge Schleier verdeckt gin an et ass mat de leschte Strale vun der
Owessonn verschwonn.
Vu lauter Middegkeet huet den Siegfrid sech ënnert e Bam geluegt an
huet geschlof. Den anere Moien gouf hien vum Gesang vun de Vigel erwächt.
Hien ass dem Floss nogaangen an ass a sénger Heemecht erauskomm. Déi
schéin Jongfra an hiere wonnerschéine Gesang haten dem Grof seng Séil
mächteg erfaasst. Oft ass hien elo an déi Géigend, déi hien
léifgewonnen hat zréckkomm, fir sech un dem Gesang an der schéiner
Gestalt vun der Jongfra z‘erfreeen. Enges Dags huet en d’Melusina am
Dall getraff. Och hatt huet sech op de Besuch vum schéine Ritter gefreet.
De Siegfrid huet him séng Léift gestanen a si hu beschloss sech ze
bestueden. Hien huet dem Melusina awer misse verspriechen,
dass hien hatt all Samschdeg misst eleng loossen an hatt deen Dag och net
dierft gesinn.
|
De Siegfrid
huet elo mam Abt vu St.Maximin bei Tréier séng
schéin Herrschaft Felen bei Ettelbréck géint de plakege Bockfiels an d’Bëscher
an der Ëmgéigend getosch. Well hien awer jorelaang kee Geld hat fir op
dem Bockfiels e Schlass ze bauen an d’Melusina als séng Fra
heemzeféieren, huet en dem Däiwel séng
Hëllef ugeholl. Deen huet him versprach e Schlass ze bauen an him vill
Geld ze ginn, wann hien, de Siefried, no 30 Joer dem Däiwel géng fir
séng Déngschter zur Verfügung géng ston. De Siegfrid ass op dem
Däiwel säi Virschlag agaangen an an der Nuecht stung op eemol um
Bockfiels eng herrlëch Burg.
|
|
|
De Siegfrid huet sech mam Melusina
bestuet an huet schéin Deeg mat him verbruecht. D’Melusina huet him
siwe Kanner geschenkt.
Mee all Samschden huet d’Melusina sech kengem gewisen. Hatt huet sech
a séng Kummer zréckgezunn an huet sech agespaart. Scho säit ville Joren
huet hatt dat gemaach, ouni dass säi Mann gefrot huet wisou. Awer séng Frënn,
déi schonn dovunner matkrut haten, hun de Siegfrid mësstraueg gemaach.
Lo wollt de Grof awer wëssen, firwat séng Fra sech all Samschden virun
him zréckzitt. An de Samschden dropp ass hien heemlech
bei dem Melusina séng Kummer gang. E
verdächtegt Rauschen a Plätscheren huet hie vu bannen héieren. Hien
huet duerch d’Schlëssellach gekuckt: D‘Melusina huet séng laang,
blond Hoer gekämmt. A mat séngem eekelege Fëschschwanz
huet hatt d’Wellen gepeischt. De Grof Siegfrid huet vu Schreck haart
gejaut an d’Melusina ass an deem Moment an der Déift vum Fiels
verschwonn. De Siegfrid hat d’Melusina fir ëmmer verluer. |
Et gëtt erzielt , d’Fra, déi dat jéngste Kand a Pfleeg haat, hätt
heinsto eng wäiss Gestalt bemierkt wa se bei d’Kand an d’Zëmmer komm ass.
D’Melusina erschéngt elo all 7 Joer a menschlecher Gestalt iwer dem
Bockfiels fir déi Leit déi laanscht kommen em hier
Erléisung
ze bieden. Wa keen et erléise wëll, da schwiewt déi
wäiss Gestalt iwert der Stad a rifft: "A siwe Joer net méi!" , a
versénkt erem am Fiels.
Dofir hat deemools, wou Lëtzebuerg nach eng Festung wor, suguer de
stäerksten Zaldot Angscht fir nuets um Bockfiels Waach ze halen. Eng Kéier
stung en daperen Zaldot dee matt séngem Kolleg d'Plaz gewiesselt hat, tëscht
12 an 2 Auer an der Nuecht um Bockfiels. Op eemol koum d'Melusina an huet gesot:
"Wannechglifft erléis mech." Et wär dëst zwar schwéier, huet hatt
erklärt, mee net onméiglech.
Wann hien awer Angscht virun dëser
Aufgab
hätt, da soll en se net man, soss géng hatt nach
dräimol méi déif am Fiels versénken. Während dëse Wieder ass esou en
heftegt Gebraus em de Bockfiels lassgaangen, dass den Zaldot gemengt huet alles
géng elo zesummestierzen. Hien huet versprach dem Melusina säi Wonsch
z'erfëllen, egal wat et och sollt sin. D'Melusina huet em dunn erkläert, hie
misst während 9 Deeg hannereneen
all Owend Punkt 12 Auer hannert dem Altor an der
Dominkanerkierch stoen, keng Minutt ze fréi a keng ze spéit. Hätt ën dat 9
mol gemaach da géng him an der 10. Nuecht d'Melusina als feiereg Schlaang
mat engem Schlëssel am Mond erschéngen. Deen misst
hien mat sengem Mond aus hierem Mond huelen an en an d'Uelzecht werfen woumatt
hatt dann erléist wäer. D’Réimerbuerg sténg dann erëm genee wi fréier op
dem Bockfiels.
Owes stung den Zaldot dunn Punkt 12 Auer hannert dem Altor. Mee den 9.Owend
huet e sech verspéit. Do héiert en ob sengem Réckwee e fierchterlecht
Gejéimers a
Gebrëlls um
Bockfiels, datt e bal gemengt hätt all déi wëll Déieren wäeren an der Loft
beieneen. Mee keen anere Mënsch huet dee Kaméidi héieren.
Och sollt d'Melusina, all Kéier wann der Stad Lëtzebuerg
Gefor
an Ongléck dréit , de Bockfiels ëmkreesen a
Klolauter ausstoussen.
Bis haut ass d'Melusina nach net erléist. Wann dat awer soll geschéien,
dann bléit der Stad Lëtzebuerg eppes Schlëmmes. Ass dat Hiem fäerdeg fir dat
hatt all 7 Joer ee Stëch mécht an zu deem de kalen Fiels vum Bock de Flues
liwwert, dann ass hatt erléist. Mee da wäert d’Stad an e Koup falen an d’Melusina
ënnert sech
begruewen.
Quell:
Nikolaus Gredt: Sagenschatz des Luxemburger Volkes, 1.
Auflage 1883, 2. Auflage 1963 (Nach N. Gonners Mitteilungen und mündlich)
vun de Kanner op Lëtzebuergesch iwersat
Verbesserungshëllef: