VOTUM
KLIMA
Klimaschutz a Gerechtegkeet
Déi global Klimaverännerunge sinn zu engem
groussen Deel vu Mënsche gemaach. Si leien domadden am
Beräich vun der Verantwortlechkeet vun deem Eenzelen a vun der
Gemeinschaft.
Hir Auswierkungen, wéi zum Beispill Noutsituatiounen a
Fluchtbewegungen an deenen exponéierte Regioune vun der Welt,
fuerderen eis eraus, souwuel fir deene betraffene Mënschen ze
hëllefen, wéi och fir d'Ursaachen ze bekämpfen.
Duerfir huet Klimaschutz mat Gerechtegkeet ze doen:
* Gerechtegkeet fir d'Mënschen an de Schwellen- an
Entwécklungslänner: de Klimawandel verstäerkt dat
dramatescht Gefäll zwëschen Aarm a Räich, un deem senge
Konsequenzen virun allem si ze droen hunn;
* Gerechtegkeet fir déi Generatiounen, déi no eis kommen:
hiert Recht op Nahrung, Gesondheet, gutt Liewensbedéngungen an
intakt Liewensraim fir Mënsch an Natur steet um Spill.
De Kampf géint d'Aarmut an de Klimaschutz ginn also Hand an
Hand. Et geet net nëmmen ëm e groussen Ökosystem, deen
aus dem Gläichgewiicht geroden ass, ma och ëm d'Mënschen
an hir Liewensgrondlagen: do wou Déieren a Planzen a Gefor sinn,
do ass och de Mënsch a Gefor.
De Klimaschutz ass e Garant fir Gerechtegkeet, Fridden an d'Erhale vun
der Schöpfung.
Duerfir ënnerstëtzt d'Lëtzebuerger Kommissioun "Justitia
et Pax" d'Initiativ "Votum Klima".
(18.5.2009)